إيه الزحمه دى ؟؟ يا ساتر يا رب .. وإيه الريحه دى ؟؟ أتوبيس ده والا علبة كشرى ... يا عم إنت حوش التقليه اللى على راسى دى ... يوووووه الواحد إتخنق .. ما فيش حد يقعدنى جنب الشباك ؟؟ ..
- أهلاااااان صلاح إزيك ... فينك يا راجل ؟؟ الله ؟ إنت مش فاكرنى وألا ايه ؟؟ انا حبيبك بتاع زمان خدنى جنبك يا راجل ... ياااااااه على الصدف الجميله .
- أهلا أهلا أهلا والله زمان معلش بقى العتب ع النظر أهلا أهلا تعالى جنبى تعالى .
- أزيك يا صلاح ده ايه يا راجل الغيبه الطويله دى ؟
- والله مشاغل هنعمل ايه فى الدنيا وهمها اللى بعدتنا عن الاحباب والله زمان .
- فاكر ؟؟ فاكر يا صلاح زمااان لما كنا بنى آدمين ؟؟ فاكر .
- يااااه دى حاجه من زمان قوى دى بقالها ييجى خمسه وعشرين سنه وزياده لهو انت لسه فاكر؟؟ .. ما شاء الله ذاكرتك عال .
- تفتكر يا صلاح الايام دى ... يا سلام ... لما كنا بنعدى الشارع والعسكرى يوقف المرور علشانا ويعدينا ونمسك فى ايديه وكنت تقول لأبوك إنك لما تكبر هتطلع عسكرى .
- دى كانت دنيا الله يرحم الايام دى .. فاكر انت لما كنا بنقول على اللى ياخد درس خصوصى انه غبى واللى يوديه اهله مدرسه خاصه يبقى فاشل .. فاكر ؟؟
- آه والله على رأيك يا صلاح والا لما كان ييجى يوم الجمعه وننزل مع العيال ننضف الشارع وكل بيت يرش ميه اللى من البلكونه واللى من الشباك وتهل بقى نسمة الصيف مع كلام الست .
- إلا بقى لما كانت الناس تتخانق مع بعضها ويعوروا بعض تلاقى اللى ضرب يشيل المضروب ويجرى بيه على المستشفى ويمكن كان يديله دمه كمان .
- كمان يا صلاح ده كان الظباط فى القسم يعملوا قعدة عرب ويصالحوا ده على ده ويرجعوا كلهم سمن على عسل .. ايام يا صلاح وراحت كنا وقتها بنى آدمين .
- على رأيك كنا بنى آدمين بصحيح كانت الواحده من دول تمشى فى الشارع ما فيش حد يرفع عينيه فيها وإن حصل وعاكس يوووووه تلاقى ألف قلم على خلقته .
- تعرف انا من يومين كده رحت إدارة الحى اللى جنبنا ما انته عارفه علشان افتح شباك على المنور وانت عارفنى بقى يا ابو الصلح احب امشى دوغرى قدمت طلب فى طلب فى استعجال علشان يدونى تصريح للشباك وشهرين يا بو صلاح وانا دايخ لحد ما شار عليه واحد منهم اهرش قمت هرشت .
- وعملت ايه ادولك التصريح ؟؟
- أبدا رحت لدكتور الجلديه ادانى مرهم ووحياتك يا بو الصلح بحط منه لحد دلوقت
- بتحط المرهم على الشباك ؟؟
- شباك ايه يا بو صلاح ؟؟ هحط المرهم على الشباك ؟؟... هو انت لسه غبى برضه .. من يومك يا اخى .
- يا عم شباك ايه اللى هيدخلك بلاوى هو فيه احلى من هوا النيل والتمشيه عليه ؟؟
- نيل ايه يا صلاح هو انت كنت ميت والا ايه ده انت لو حبيت تمشى على النيل عشر دقايق بس هترجع يا معلم يا على نقاله يا على القسم ده انت تلاقى بتوع الورد والصاقع والمراكب ده حتى المخبرين بياخدوا منك ... يا راااجل نيل ايه جتك نيله .
- الله انت بتشتم ليه ؟؟
- معلش يا صلاح ما انا بحاول افكرك لما كنا بنى آدمين وانت مش عايز تفتكر أصلك من يومك غبى .
- والله بحاول لكن ذاكرتى مش جايبه كل اللى بفتكره انى خلاص نسيت ابقى بنى آدم .
- مش مهم بقى وأنت عامل ايه يا صلاح وأزاى أولادك ؟؟
- أولادى آآآآه كويسين ... إيه ؟؟ أولادى أيه أنا ما عنديش أولاد ... أيه ده ؟؟ ده انا ما اتجوزتش من اصله ... الله ... أنا ما إسميش صلاح ... قوم يا جدع إنت من جنبى .. غور .. ده ايه تلاقيح الجيتت دى .. طب والله ما أنا لابس البنطلون .
- أهلاااااان صلاح إزيك ... فينك يا راجل ؟؟ الله ؟ إنت مش فاكرنى وألا ايه ؟؟ انا حبيبك بتاع زمان خدنى جنبك يا راجل ... ياااااااه على الصدف الجميله .
- أهلا أهلا أهلا والله زمان معلش بقى العتب ع النظر أهلا أهلا تعالى جنبى تعالى .
- أزيك يا صلاح ده ايه يا راجل الغيبه الطويله دى ؟
- والله مشاغل هنعمل ايه فى الدنيا وهمها اللى بعدتنا عن الاحباب والله زمان .
- فاكر ؟؟ فاكر يا صلاح زمااان لما كنا بنى آدمين ؟؟ فاكر .
- يااااه دى حاجه من زمان قوى دى بقالها ييجى خمسه وعشرين سنه وزياده لهو انت لسه فاكر؟؟ .. ما شاء الله ذاكرتك عال .
- تفتكر يا صلاح الايام دى ... يا سلام ... لما كنا بنعدى الشارع والعسكرى يوقف المرور علشانا ويعدينا ونمسك فى ايديه وكنت تقول لأبوك إنك لما تكبر هتطلع عسكرى .
- دى كانت دنيا الله يرحم الايام دى .. فاكر انت لما كنا بنقول على اللى ياخد درس خصوصى انه غبى واللى يوديه اهله مدرسه خاصه يبقى فاشل .. فاكر ؟؟
- آه والله على رأيك يا صلاح والا لما كان ييجى يوم الجمعه وننزل مع العيال ننضف الشارع وكل بيت يرش ميه اللى من البلكونه واللى من الشباك وتهل بقى نسمة الصيف مع كلام الست .
- إلا بقى لما كانت الناس تتخانق مع بعضها ويعوروا بعض تلاقى اللى ضرب يشيل المضروب ويجرى بيه على المستشفى ويمكن كان يديله دمه كمان .
- كمان يا صلاح ده كان الظباط فى القسم يعملوا قعدة عرب ويصالحوا ده على ده ويرجعوا كلهم سمن على عسل .. ايام يا صلاح وراحت كنا وقتها بنى آدمين .
- على رأيك كنا بنى آدمين بصحيح كانت الواحده من دول تمشى فى الشارع ما فيش حد يرفع عينيه فيها وإن حصل وعاكس يوووووه تلاقى ألف قلم على خلقته .
- تعرف انا من يومين كده رحت إدارة الحى اللى جنبنا ما انته عارفه علشان افتح شباك على المنور وانت عارفنى بقى يا ابو الصلح احب امشى دوغرى قدمت طلب فى طلب فى استعجال علشان يدونى تصريح للشباك وشهرين يا بو صلاح وانا دايخ لحد ما شار عليه واحد منهم اهرش قمت هرشت .
- وعملت ايه ادولك التصريح ؟؟
- أبدا رحت لدكتور الجلديه ادانى مرهم ووحياتك يا بو الصلح بحط منه لحد دلوقت
- بتحط المرهم على الشباك ؟؟
- شباك ايه يا بو صلاح ؟؟ هحط المرهم على الشباك ؟؟... هو انت لسه غبى برضه .. من يومك يا اخى .
- يا عم شباك ايه اللى هيدخلك بلاوى هو فيه احلى من هوا النيل والتمشيه عليه ؟؟
- نيل ايه يا صلاح هو انت كنت ميت والا ايه ده انت لو حبيت تمشى على النيل عشر دقايق بس هترجع يا معلم يا على نقاله يا على القسم ده انت تلاقى بتوع الورد والصاقع والمراكب ده حتى المخبرين بياخدوا منك ... يا راااجل نيل ايه جتك نيله .
- الله انت بتشتم ليه ؟؟
- معلش يا صلاح ما انا بحاول افكرك لما كنا بنى آدمين وانت مش عايز تفتكر أصلك من يومك غبى .
- والله بحاول لكن ذاكرتى مش جايبه كل اللى بفتكره انى خلاص نسيت ابقى بنى آدم .
- مش مهم بقى وأنت عامل ايه يا صلاح وأزاى أولادك ؟؟
- أولادى آآآآه كويسين ... إيه ؟؟ أولادى أيه أنا ما عنديش أولاد ... أيه ده ؟؟ ده انا ما اتجوزتش من اصله ... الله ... أنا ما إسميش صلاح ... قوم يا جدع إنت من جنبى .. غور .. ده ايه تلاقيح الجيتت دى .. طب والله ما أنا لابس البنطلون .
( أنا أكتب ... يبقى أكيد أنا حى ... ولو إنى مش متأكد ... لكن هكتب ... لأنى بكتب لنفسى مش لحد ... بكتب علشان أفضل صاحى ... بخاف أنام لحسن أموت وأنا نايم أو حد ييجى ياخد حريتى منى ... أصلى أنا من يومى .... حر )
1 التعليقات:
هههههههههه بجد دمك زي العسل .
وعندك حق رغم صغر سني بس بجد انا حاسه بالفرق الكبير اووووي بين الناس زمان ودلوقتي زمان كانت كل حاجه بريئه وطيبه دلوقتي تخاف تقول كلمه لحد لاحسن يفهمها علي مزاجه ده حتي والله النيه الحلوه بقت تتفهم غلط والطيب والمحترم والمخلص يقولوا عليه عبيط وعلي نياته ههههه.هنعمل ايه لازم نقبل الحال علي ماهو عليه هنعمل ايه يعني؟وربنا يشفي
شيتوس
إرسال تعليق